ՀՀ խորհրդարանը վավերացրել է տեխնիկական համաձայնագիր Բրազիլիայի հետ
14.09.2017,
15:18
ՀՀ խորհրդարանը վավերացրել է տեխնիկական համաձայնագիր Հայաստանի ու Բրազիլիայի կառավարությունների միջև։
ԵՐԵՎԱՆ, 14 սեպտեմբերի. /ԱՌԿԱ/. ՀՀ խորհրդարանը վավերացրել է տեխնիկական համաձայնագիր Հայաստանի ու Բրազիլիայի կառավարությունների միջև։
Ինչպես ԱԺ–ի նիստի ընթացքում նշել է ՀՀ տնտեսական զարգացման ու ներդրումների փոխնախարար Գարեգին Մելքոնյանը, համաձայնագիրը ստորագրվել է 2016 թվականի դեկտեմբերին։
«Սա տիպային համաձայնագիր է, որը Հայաստանը ստորագրել է շատ երկրների հետ։ Փաստաթուղթը միտված է ՀՀ և Բրազիլիայի համար գերակա ոլորտներում տեխնիկական համագործակցության զարգացմանը», – նշել է փոխնախարարհը։
Նրա խոսքով, համաձայնագիրը նախատեսում է շրջանակային կարգավորումներ և թույլ կտա Բրազիլիային ներգրավել Հայաստանը համագործակցության միջազգային ծրագրերի իրականացման գործում։
«Նրանից հետո, երբ փաստաթուղթն ուժի մեջ կմտի, մենք մտադիր ենք սկսել քննարկումներ դրանով նախատեսված պայմանավորվածությունների իրականացման ուղղությամբ», – ասել է Մելքոնյանը։ –0–
