Յունիբանկը ժամկետից շուտ տեղաբաշխեց 500 մլն ՀՀ դրամ ծավալով պարտատոմսեր
ԵՐԵՎԱՆ, 8 նոյեմբերի. /ԱՌԿԱ/. Յունիբանկն ամբողջությամբ տեղաբաշխեց վեցերորդ թողարկման ՀՀ դրամով պարտատոմսերը, որոնց ծավալը կազմում էր 500 մլն ՀՀ դրամ, հայտնում է բանկի մամուլի ծառայությունը։
Ըստ հաղորդման, դրամային պարտատոմսերի տարեկան եկամտաբերությունը սահմանված է 10%, շրջանառության ժամկետը` 24 ամիս:
Պարտատոմսերի արժեկտրոնային եկամտի վճարումն իրականացվելու է եռամսյակային պարբերականությամբ: Պարտատոմսերի մարումը կիրականացվի 22.10.2020թ.-ին:
Յունիբանկի նոր թողարկման պարտատոմսերի ցուցակումը ևս կիրականացվի «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում, ինչը հնարավորություն կտա սկսել պարտատոմսերի շրջանառությունը, ինչպես նաև` իրականացնել հասցեական և ռեպո գործարքներ:
«Յունիբանկը» հիմնադրվել է 2001 թվականի հոկտեմբերին։ 2002 թվականին ներդրել է «Յունիսթրիմ» համակարգը։ Բանկի հիմնական բաժնետերը «Ռիպատոնսո Հոլդինգզ Լիմիթեդն» է։ 2015 թվականից բանկը վերակազմավորվել է բաց բաժնետիրական ընկերության:–0–
