Հայաստանի տնտեսագիտական համալսարանը կսկսի մագիստրոսների պատրաստել ՊԵԿ-ում աշխատելու համար

ԵՐԵՎԱՆ, 13 ապրիլի. /ԱՌԿԱ/. Հայաստանի Պետական եկամուտների կոմիտեի կադրերի պատրաստման մագիստորասական ծրագիր է մեկնարկում 2012 թվականի սեպտեմբերին Երևանի պետական տնտեսագիտական համալսարանում (ԵՊՏՀ), ուրբաթ հայտնեց ինստիտուտի ռեկտոր Կորյուն Աթոյանը:

ԵՊՏՀ ռեկտոր Աթոյանը և ՊԵԿ ղեկավար Գագիկ Խաչատրյանն այսօր մասնագիտացված հարկային և մաքսային լսարաններ են բացել մագիստրոսների պատրաստման համար: 

«Այս ծրագիրը մեր ուսանողների համար լավ հնարավորություն կդառնա, քանի որ լավագույն շրջանավարտները ավարտելուց անմիջապես հետո աշխատանք կստանան Հայաստանի Պետական եկամուտների կոմիտեում»,- ասաց նա: 

ՊԵԿ ղեկավար Գագիկ Խաչատրյանն իր հերթին նշեց, որ Կոմիտեն լավ մասնագետների կարիք ունի, և մագիստրոսական այս ծրագիրն ուղղված կլինի գերատեսչության համար կադրերի պատրաստմանը: 

Ըստ նրա` արդեն սեպտեմբերին կֆինանսավորվի 90 մագիստրանտների ուսուցում երեք մասնագիտացումներով, այն է՝ հարկային և մաքսային վարչարարություն, վերլուծական ներուժ և հմտություններ: 

«Հետագայում մասնագիտացումները կարող են փոխվել՝ ելնելով գերատեսչության կարիքներից»,- ասաց Խաչատրյանը: 

ՊԵԿ ղեկավարն ավելացրեց նաև, որ հատուկ ուշադրություն կհատկացվի պրոֆեսորադասախոսական կազմին՝ նրանց համար ստեղծելով աշխատանքային լավագույն պայմաններ: 

Խաչատրյանը նշեց նաև, որ Դիլիջանում գերատեսրչությունը Կոմիտեի կադրերի երկարաժամկետ ուսուցման ուսումնական կենտրոն է կառուցում, որը ոչ միայն լավագույնը կլինի տարածաշրջանում, այլ նաև կհամապատասխանի միջազգային  բոլոր չափանիշներին: -0-