ԱՄՆ նախագահը հիասթափված է Արցախում հրադադարի շուրջ Հայաստանի և Ադրբեջանի միջև ձեռք բերված պայմանավորվածությունների տապալումից
ԵՐԵՎԱՆ, 28 հոկտեմբերի./ԱՌԿԱ/. ԱՄՆ նախագահ Դոնալդ Թրամփը երեքշաբթի հայտարարել է, որ հիասթափված է Արցախում հրադադարի շուրջ Հայաստանի և Ադրբեջանի միջև ձեռք բերված պայմանավորվածությունների տապալմամբ, գրում է ՏԱՍՍ–ը։
«Այո, հիասթափեցնում է, երբ նման բան ես տեսնում։ Ահա, թե ինչ է տեղի ունենում, երբ քո առջև երկրներ են, որոնք երկար ժամանակ զբաղվում են դրանով», – Reuters գործակալությունը մեջբերում է Թրամփի խոսքերը։
Գործակալության հաղորդմամբ, Թրամփը նաև հույս է հայտնել, որ իրավիճակը կկարգավորվի։
Ադրբեջանն ու Հայաստանը հոկտեմբերի 25–ին ԱՄՆ–ի միջնորդությամբ համաձայնեցրել էին նոր` թվով երրորդ հումանիտար հրադադարն Արցախում, որը պետք է ուժի մեջ մտներ հոկտեմբերի 26–ին։
Ավելի վաղ Պետդեպարտամենտի մամուլի ծառայությունը հաղորդել էր, որ պետքարտուղար Մայք Պոմպեոն ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ ունեցած առանձին հեռախոսազրույցներում կոչ է արել կողմերին կատարել հրադադարի ռեժիմի պահպանմանն ուղղված պարտավորությունները։–0–
