ԱՄՆ-ը կարող է հեշտությամբ հասնել Լեռնային Ղարաբաղի հակամարտության խաղաղ լուծմանը․ Դոնալդ Թրամփ
25.10.2020,
23:55
Թրամփը հայտնել է, որ ԱՄՆ-ը կարող է հեշտությամբ հասնել Ղարաբաղում հակամարտության խաղաղ կարգավորմանը
ԵՐԵՎԱՆ, 25 հոկտեմբերի․ /ԱՌԿԱ/․ ԱՄՆ-ը կարող է հեշտությամբ հասնել Լեռնային Ղարաբաղի հակամարտության խաղաղ լուծմանը: Կիրակի այս կարծիքն է հայտնել է ԱՄՆ նախագահ Դոնալդ Թրամփը՝ Նյու Հեմփշիրում իր համախոհների առջև ելույթի ժամանակ: Նրա ելույթը հեռարձակում են ամերիկյան լրատվական հեռուստաընկերությունները, հաղորդում է ՏԱՍՍ-ը:
Թրամփն ասել է, որ Վաշինգտոնը աշխատում է Բաքվի ու Երևանի միջև խաղաղ կարգավորման ուղղությամբ: «Մենք ամեն ինչ կկարգավորենք: Դա պետք է տեղի ունենա, ինչպես ես եմ ասում, հեշտությամբ: Դա հեշտ կլինի, եթե գիտես, թե ինչ ես անում», - ասել է ամերիկացի ղեկավարը:-0-
