Շիրակի ոստիկանության մարզային վարչության նախկին պետը նշանակվեց Լոռու մարզպետ

ԵՐԵՎԱՆ, 18 հունվարի․/ԱՌԿԱ/․ Հայաստանի կառավարությունը հինգշաբթի նիստի ժամանակ որոշեց Արամ Ղազարյանին նշանակել Լոռու մարզպետ։

ՀՀ վարչապետ Նիկոլ Փաշինյանն ասաց, որ մինչև 2023 թվականը Ղազարյանը Շիրակի մարզի ոստիկանության մարզային վարչության պետն էր։

Հունվարի 4-ին Փաշինյանը պաշտոնանկ արեց ՀՀ Լոռու մարզպետ Արամ Խաչատրյանին։ Պաշտոնանկությունը հաջորդեց վարչապետի տարածաշրջան կատարած այցին, որտեղ նա ֆիքսեց բազմաթիվ խնդիրներ և նշեց, որ դա չի հանդուրժի։ -0-