Արցախի նախագահի մոտ ԱԽ ընդլայնված նիստ է հրավիրվել, օրակարգում հանրապետության առջև ծառացած ներքին և արտաքին մարտահրավերներն էին
20.06.2022,
13:32
Արցախի Հանրապետության նախագահ Արայիկ Հարությունյանը հրավիրել է Անվտանգության խորհրդի ընդլայնված նիստ
ԵՐԵՎԱՆ, 20 հունիսի./ԱՌԿԱ/. Արցախի Հանրապետության նախագահ Արայիկ Հարությունյանը հրավիրել է Անվտանգության խորհրդի ընդլայնված նիստ, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը:
«Օրակարգում Հանրապետության առջև ծառացած ներքին և արտաքին մարտահրավերներն էին», - նշվում է հաղորդագրության մեջ:
Զեկուցումներով հանդես են եկել պաշտպանության, արտաքին գործերի ու տարածքային կառավարման և ենթակառուցվածքների նախարարները:
Ներկայացված հարցերի շուրջ տեղի են ունեցել շահագրգիռ քննարկումներ, որոնց արդյունքում Նախագահ Հարությունյանը մի շարք հանձնարարականներ է տվել պետական գերատեսչությունների ղեկավարներին:-0-
