Արցախում ռուսական խաղաղապահ զորախմբի նոր հրամանատար է նշանակվել գեներալ-մայոր Կիրիլ Կուլակովը

ԵՐԵՎԱՆ, 31 օգոստոսի./ԱՌԿԱ/. Լեռնային Ղարաբաղում ռուսական խաղաղապահ զորախմբի նոր հրամանատար է նշանակվել գեներալ-մայոր Կիրիլ Կուլակովը, հաղորդում է «Արցախպրեսը»։

Կուլակովը ծնվել է 1969 թվականի հուլիսի 20-ին։ 2017 թվականի մարտից նա Կազանի բարձրագույն ռազմական հրամանատարական դպրոցի հրամանատարն էր։

Նրա նախորդը՝ գեներալ-գնդապետ Ալեքսանդր Լենցովը (նախկինում՝ ՌԴ ԶՈՒ ցամաքային զորքերի գլխավոր հրամանատարի տեղակալ) նշանակվել է ընթացիկ տարվա ապրիլի 25-ին։ Նա այս պաշտոնում փոխարինել է Անդրեյ Վոլկովին։-0-