Բորիս Ջոնսոնը կզբաղեցնի Մեծ Բրիտանիայի վարչապետի պաշտոնը
23.07.2019,
16:01
Բրիտանացի եվրասկեպտիկ Բորիս Ջոնսոնը հաղթել է Միացյալ Թագավորություններում իշխող Պահպանողական կուսակցության առաջնորդի ընտրություններում։
ԵՐԵՎԱՆ, 23 հուլիսի./ԱՌԿԱ/. Բրիտանացի եվրասկեպտիկ Բորիս Ջոնսոնը հաղթել է Միացյալ Թագավորություններում իշխող Պահպանողական կուսակցության առաջնորդի ընտրություններում։ Այս մասին հայտնի է դարձել երեքշաբթի` ընտրարշավի քվեարկության արդյունքների հրապարակումից հետո, հաղորդում է ՏԱՍՍ–ը։
Ջոնսոնի թեկնածության օգտին քվեարկել է Պահպանողական կուսակցության 92153 շարքային անդամ, իսկ Ջոնսոնի ընդդիմախոսի` Ջերեմի Հանթի օգտին` 46656 անդամ։
Այսպիսով, Ջոնսոնը չորեքշաբթի կփոխարինի Թերեզա Մեյին Մեծ Բրիտանիայի վարչապետի պաշտոնում, իսկ արդեն հինգշաբթի կանցկացնի նոր կառավարության առաջին նիստը։–0–
