Բրյուսելում հանդիպել են ՀՀ ԱԳ քարտուղար Արմեն Գրիգորյանն ու Ադրբեջանի նախագահի օգնական Հիքմեթ Հաջիևը (ՖՈՏՈ)
ԵՐԵՎԱՆ, 2 մայիսի./ԱՌԿԱ/. Բրյուսելում տեղի է ունեցել ՀՀ ԱԽ քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հանդիպումը:
«Երջանիկ եմ, որ կարողացել եմ ընդունել Հիքմեթ Հաջիևին և Արմեն Գրիգորյանին Բրյուսելում նման ձևաչափով երկրորդ հանդիպման համար», - գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ ՏոյվոԿլաարը Twitter-ի իր միկրոբլոգում:
Ավելի վաղ Գրիգորյանը հայտարարել է, որ Հաջիևի հետ քննարկելու են մի շարք հարցեր Հայաստան-Ադրբեջան հարաբերություններին վերաբերող: «Եթե մենք կարողանանք այն բոլոր հարցերի պատասխանները ստանանք Բրյուսելում, ապա կարող ենք նաև քննարկել երկրի առաջնորդների մակարդակով հանդիպում Բրյուսելում», - նշել է Գրիգորյանը:
Գրիգորյանի և Հաջիևի նախորդ հանդիպումը տեղի է ունեցել մարտի վերջին Բրյուսելում՝ ԵՄ հովանու ներքո: Ինչպես հայտնել է ԵՄ դիվանագիտական ծառայությունը, «հանդիպումը միտված էր ակտիվացնել ջանքերը, որոնք ուղղված են երկու երկրների միջև մի շարք խնդիրների լուծմանը»:
Happy to have been able to host @HikmetHajiyev and Armen Grigoryan in Brussels for a second meeting in this format. pic.twitter.com/2blnIab9Dd
— Toivo Klaar (@ToivoKlaar) May 2, 2022
