ՀՀ ԱԳ նախարար Արարատ Միրզոյանն աշխատանքային այցով կմեկնի Փարիզ
09.11.2021,
20:52
Այցի շրջանակներում նախարարը կունենա երկկողմ հանդիպումներ

ԵՐԵՎԱՆ, 9 նոյեմբերի./ԱՌԿԱ/. Նոյեմբերի 10-12-ը ՀՀ ԱԳ նախարար Արարատ Միրզոյանն աշխատանքային այցով կմեկնի Փարիզ` մասնակցելու ՅՈՒՆԵՍԿՕ-ի Գլխավոր համաժողովի 41-րդ նստաշրջանին, որի շրջանակներում տեղի է ունենալու նաև ՅՈւՆԵՍԿՕ-ի 75-ամյակին նվիրված միջոցառում, հաղորդում է ՀՀ ԱԳՆ մամուլի ծառայությունը:
Այցի շրջանակներում նախարարը կունենա երկկողմ հանդիպումներ:
Նախարար Միրզոյանը մասնակցելու է նաև Փարիզի Խաղաղության 4-րդ համաժողովի բացմանը:–0–