Միրզոյանը Ստամբուլում Թուրքիայի ԱԳ նախարարի հետ քննարկել է հարաբերությունների կարգավորումն ու օրակարգային այլ հարցեր (ՎԻԴԵՈ)
18.10.2024,
18:08
Արարատ Միրզոյանը Ստամբուլում հանդիպել է Թուրքիայի ԱԳ նախարարի հետ․ ՎԻԴԵՈ
ԵՐԵՎԱՆ, 18 հոկտեմբերի․/ԱՌԿԱ/․ Հոկտեմբերի 18-ին Ստամբուլում անցկացվող «3+3» խորհրդակցական հարթակի հանդիպման շրջանակներում ՀՀ արտաքին գործերի նախարար Արարատ Միրզոյանը հանդիպում է ունեցել Թուրքիայի արտաքին գործերի նախարար Հաքան Ֆիդանի հետ, հաղորդում է ՀՀ ԱԳՆ մամուլի ծառայությունը։
Զրուցակիցները քննարկել են երկկողմ օրակարգային հարցեր և Հայաստանի ու Թուրքիայի միջև հարաբերությունների լիարժեք կարգավորմանը միտված երկխոսության շարունակականությունը։
Նախարար Միրզոյանը վերահաստատել է գործընթացում ձեռք բերված պայմանավորվածությունների կյանքի կոչման կարևորությունը։
Հանդիպմանը մտքեր են փոխանակվել նաև տարածաշրջանային զարգացումների շուրջ:
