ՊՆ․ Ադրբեջանը հայկական դիրքերի ուղղությամբ կիրառել է ականանետեր, ժամը 23:00-ի դրությամբ իրադրությունը շարունակում է լարված մնալ
20.07.2021,
00:41
Երեկոյան ադրբեջանական զինված ուժերը, ժամը 18:40-ից սկսած, մի քանի ժամ շարունակ, տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի Երասխի հատվածում տեղակայված հայկական դիրքերը
ԵՐԵՎԱՆ, 20 հուլիսի․/ԱՌԿԱ/․ Հուլիսի 19-ի երեկոյան ադրբեջանական զինված ուժերը, ժամը 18:40-ից սկսած, մի քանի ժամ շարունակ, տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի Երասխի հատվածում տեղակայված հայկական դիրքերը, հաղորդում է ՀՀ ՊՆ-ն:
«Պարբերաբար կիրառվել են նաև ականանետեր: Իրադրությունը, ժամը 23:00-ի դրությամբ, շարունակում է լարված մնալ», - նշվում է գերատեսչության հաղորդագրության մեջ:-0-
