ՊՆ-ն հերքում է գեներալ-լեյտենանտ Վարդանյանի՝ նախարարի խորհրդական նշանակվելու մասին լուրերը
ԵՐԵՎԱՆ, 2 օգոստոսի․/ԱՌԿԱ/․ Մամուլում տեղեկություններ են շրջանառվում գեներալ-լեյտենանտ Կ. Վարդանյանի՝ պաշտպանության նախարարի խորհրդական նշանակվելու վերաբերյալ: Այս մասին հայտնում է ՀՀ Պաշտպանության նախարարությունը։
«ԶԼՄ գործընկերներին հայտնում ենք, որ պաշտպանության նախարարությունում բարձր և բարձրագույն զինվորական պաշտոնների նշանակումների վերաբերյալ սահմանված կարգով տրվում են պաշտոնական հաղորդագրություններ», – ասվում է հայտարարության մեջ։
ՊՆ–ից նաև նշում են, որ պաշտպանության նախարարի զինվորական խորհրդականները 3-ն են՝ գեներալ-մայոր Ա. Սիմոնյանը,պահեստազորի գնդապետ Ռ. Պետրոսյանը, պահեստազորի գնդապետ Մ. Պողոսյանը:
«Հավելենք, որ ՀՀ զինված ուժերում անձը կարող է ծառայության անցնել բացառապես այն դեպքում, երբ ունի ՀՀ քաղաքացիություն», – նշում են ՊՆ–ից։
