Փաշինյանն ու Միշուստինը քննարկել են տարածաշրջանում տրանսպորտային հաղորդակցության վերականգնումը
01.12.2020,
14:30
Փաշինյանն ու Միշուստինը քննարկել են տարածաշրջանում տրանսպորտային հաղորդակցության վերականգնումը
ԵՐԵՎԱՆ, 1 դեկտեմբերի./ԱՌԿԱ/.Նախօրեին կայացել է ՌԴ կառավարության նախագահ Միխայիլ Միշուստինի և ՀՀ վարչապետ Նիկոլ Փաշինյանի հեռախոսազրույցը: Այս մասին հաղորդվում է ՌԴ կառավարության կայքում:
Կառավարությունների ղեկավարները քննարկել են ռուս-հայկական առևտրատնտեսական համագործակցության զարգացման հեռանկարները: Հատուկ ուշադրության է արժանացել Լեռնային Ղարաբաղի հետկոնֆլիկտային վերականգնման ընթացքում Ռուսաստանի մասնակցությանը, այդ թվում տարածաշրջանում փախստականների և տրանսպորտային հաղորդակցությունների խնդիրների լուծմանը:
Միխայիլ Միշուստինը և Նիկոլ Փաշինյանն անդրադարձել են նաև Եվրասիական տնտեսական միության շրջանակում համատեղ աշխատանքի թեմային:
Հիշեցնենք, որ ՀՀ կառավարության մամուլի ծառայության հաղորդմամբ, հեռախոսազրույցի ընթացքում Միշուստինը տեղեկացրել է, որ ելնելով համաճարակային իրավիճակից, դիմել է Եվրասիական տնտեսական հանձնաժողովին՝ Եվրասիական միջկառավարական խորհրդի հերթական նիստը, որը դեկտեմբերի 4-ին պետք է կայանար Մոսկվայում, իրականացվի հեռահար եղանակով:-0-
