Փաշինյանը ԱԳ նախարարի առաջին տեղակալ է նշանակել
ԵՐԵՎԱՆ, 14 հուլիսի./ԱՌԿԱ/. ՀՀ վարչապետի պաշտոնակատար Նիկոլ Փաշինյանի որոշմամբ՝ Արմեն Գրիգորյանն ազատվել է Անվտանգության խորհրդի քարտուղարի պաշտոնից։
Ազատման որոշումը հրապարակվել է կառավարության կայքում։
Փաշինյանի մեկ այլ որոշմամբ՝ Արմեն Գրիգորյանը նշանակվել է արտաքին գործերի նախարարի առաջին տեղակալ։
Նշենք, որ Արմեն Գրիգորյանը ՀՀ Անվտանգության խորհրդի քարտուղար էր նշանակվել 2018 թվականի մայիսի 17-ին։
ՀՀ նախագահ Արմեն Սարգսյանը մայիսի 31–ին ստորագրել է հրամանագիր ԱԳ նախարարի պաշտոնակատար Արա Այվազյանին զբաղեցրած պաշտոնից ազատելու մասին։ Պաշտոններից ազատվեցին նաև ԱԳ նախարարի 4 տեղակալներից երեքը` Ավետ Ադոնցը, Արտակ Ապիտոնյանն ու Գագիկ Ղալաչյանը։
ԶԼՄ–ներում և սոցցանցերում վերջին օրերին լուրեր են շրջանառվում այն մասին, որ ՀՀ ԱԳ նախարար է նշանակվելու Անվտանգության խորհրդի արդեն նախկին քարտուղար Արմեն Գրիգորյանը։ Այս տարվա հունիսին Գրիգորյանը մեղադրել էր Արա Այվազյանին անվտանգության հարցերը, մասնավորապես` գերիներին վերադարձնելու հարցը տորպեդահարելու մեջ։–0–
