Рейтинг@Mail.ru
USD
381.43
EUR
440.89
RUB
4.8627
GEL
141.17
2025 թ. դեկտեմբերի 1, երկուշաբթի
եղանակը
Երևանում
+2

Պեսկովը գնահատել է արտահերթ խորհրդարանական ընտրությունների արդյունքները

21.06.2021, 17:40
Կրեմլից շնորհավորել են հայ ժողովրդին.Պեսկովը գնահատել է արտահերթ խորհրդարանական ընտրությունների արդյունքները
Պեսկովը գնահատել է արտահերթ խորհրդարանական ընտրությունների արդյունքները

ԵՐԵՎԱՆ, 21 հունիսի./ԱՌԿԱ/. Կրեմլը ցանկանում է, որպեսզի ժողովրդի որոշումն արտահերթ խորհրդարանական ընտրություններին օգնի երկրին դուրս գալ կայուն զարգացման հետագիծ և հաղթահարել դժվարությունները։ Այս մասին ասել է ՌԴ նախագահի մամուլի քարտուղար Դմիտրի Պեսկովը երկուշաբթի ասուլիսի ժամանակ, հաղորդում է ՏԱՍՍ–ը։

Այսպես նա պատասխանել է այն հարցին, թե ինչպես է Մոսկվան գնահատում Հայաստանում կայացած ընտրությունների արդյունքները և ինչպիսին է Մոսկվայի տրամադրվածությունը Երևանի հետ փոխգործակցության հարցում։ Պեսկովը վստահեցրել է, որ Կրեմլն ուշադիր հետևում է տեղեկատվությանը, որը ստացվում է Հայաստանից։

«Իհարկե, մենք ցանկանում ենք, որպեսզի հայ ժողովրդի այս ընտրությունն օգնի հաղթահարել այն դժվարությունները, որոնք հիմա վերապրում է երկիրը և դուրս գալ զարգացման կայուն հետագիծ, այդ թվում` Ռուսաստանի նախագահի անմիջական մասնակցությամբ ձեռք բերված և ստորագրված եռակողմ պայմանավորվածությունների իրականացման ճանապարհով», – ասել է Կրեմլի ներկայացուցիչը։

Մոսկվան ողջունում է Հայաստանի Կենտրոնական ընտրական հանձնաժողովի տեղեկատվությունն այն մասին, որ խորհրդարանական ընտրությունները կայացել են։

«Մենք տեսնում ենք, որ համոզիչ հաղթանակ է տարել Փաշինյանի կուսակցությունը։ Մենք շնորհավորում ենք հայ ժողովրդին ընտրության կապակցությամբ», – նշել է Պեսկովն` ավելացնելով, որ Հայաստանը Ռուսաստանի մոտ դաշնակիցն ու գործընկերն է։–0–