Ռոբերտ Քոչարյանը կմնա կալանքի տակ
ԵՐԵՎԱՆ, 7 փետրվարի./ԱՌԿԱ/. Այսօր Վերաքննիչ դատարանը մերժեց ՀՀ նախկին նախագահ Ռոբերտ Քոչարյանի փաստաբանների բողոքը կալանքի ժամկետը երկարաձգելու վերաբերյալ։
ՀՀ նախկին նախագահ Ռոբերտ Քոչարյանի փաստաբան Հայկ Ալումյանը քաղաքական պատվեր է որակել նրա կալանքի երկարաձգման մասին Վերաքննիչ դատարանի որոշումը։
«Ցանկացած անաչառ փաստաբան մեր բողոքում կգտնվի առնվազն տասը հիմք, որոնցից յուրաքանչյուրը բավարար է Քոչարյանին ազատելու համար», – ասաց Ալումյանը։
Նրա խոսքով, Քոչարյանը հերթական անգամ համոզվեց, որ այս գործով նա ենթարկվում է քաղաքական հետապնդման, ինչի մասին նա ասել է փաստաբաններին զրույցի ժամանակ։
Ալումյանը տեղեկացրեց, որ այս որոշումը կբողոքարկվի։
«Հերթական բողոքը կներկայացվի Մարդու իրավունքների եվրոպական դատարան։ Մենք կդիմենք նաև Վճռաբեկ դատարան», – ասաց Ալումյանը` նշելով, որ դատարանը չի կարող ներկայացնել որևէ «խելամիտ» հիմնավորում իր որոշման մասին։
Փաստաբանը նաև տեղեկացրեց, որ ՄԻԵԴ ներկայացվող բողոքում կնշվի, որ Քոչարյանը «քաղբանտարկյալ է»։
ՀՀ երկրորդ նախագահ Ռոբերտ Քոչարյանը մեղադրվում է այլ անձանց հետ նախնական համաձայնությամբ սահմանադրական կարգը տապալելու մեջ։ Որպես մեղադրյալներ ներգրավված են նաև ՀԱՊԿ գլխավոր քարտուղար Յուրի Խաչատուրովը, ով ազատ էր արձակվել 5մլն դրամ գրավի դիմաց և ՀՀ պաշտպանության նախկին նախարարներ Միքայել Հարությունյանն ու Սեյրան Օհանյանը։–0–
