Սերժ Սարգսյանը վստահ է, որ Շուշին ոչ թե գրավվել է, այլ հանձնվել (ՎԻԴԵՈ)

ԵՐԵՎԱՆ, 17 փետրվարի./ԱՌԿԱ/. ՀՀ նախկին նախագահ Սերժ Սարգսյանը վստահ է, որ Շուշին ոչ թե գրավվել է, այլ հանձնվել։

«Իհարկե, Շուշին հանձնվել է, ես չեմ ասում միտումնավոր տվել են, կոպիտ ասած: Շուշին հանձնվել է, որովհետև արդեն ինձ հայտնի էր, թե պատերազմը երբ է ավարտվելու: Դեռևս հոկտեմբերի 19-ից հետո, երբ իմ ծանոթները, գործընկերները, ում հետ շփվում էի, ինձ հարցնում էին, թե իմ կարծիքով՝ երբ է ավարտվելու պատերազմը, ես միանշանակ ասում էի, որ երբ ադրբեջանցիները գրավեն Շուշին: Վստահ եմ, վաղ թե ուշ, մարդիկ, ում հետ ես զրույց եմ ունեցել, հաստատելու են այդ փաստերը: Մինչև հիմա այդ մասին ոչ ոք չի խոսել», – ասել է նա «Արմնյուզ» հեռուստաընկերությանը տված հարցազրույցում։

«Ինձ համար պարզ էր՝ ելնելով ադրբեջանական բանակի գործողություններից, ելնելով Ալիևի հայտարարություններից, ելնելով նրանից, թե ադրբեջանցիները դեպի ո՞ւր են շարժվում ու ո՞վ է դրանց դիմադրում, վստահաբար, ես եկել եմ այդ եզրակացությանը», – ասել է նա։–0–