7 օր առաջնագծում. Արցախում հակառակորդը հրադադարի ռեժիմը խախտել է ավելի քան 150 անգամ

ԵՐԵՎԱՆ, 28 մարտի./ԱՌԿԱ/. Մարտի 22-ից 28-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը խախտել է հրադադարի պահպանման ռեժիմը ավելի քան 150 անգամ` տարբեր տրամաչափի հրաձգային զինատեսակներից հայ դիրքապահների ուղղությամբ արձակելով շուրջ 1200 կրակոց, հաղորդում է ԱՀ ՊՆ մամուլի ծառայությունը:

«ՊԲ առաջապահ զորամասերը հետևում են հրադադարի պահպանման ռեժիմին և շարունակում վստահորեն իրականացնել մարտական հերթապահություն», – նշվում է գերատեսչության հաղորդագրության մեջ:–0–