Ադրբեջանը չորեքշաբթի գիշերը ավելի քան 50 անգամ խախտել է կրակի դադարեցման պայմանավորվածությունը. ԼՂՀ ՊՆ
20.04.2016,
11:18
Ապրիլի 19-ի լույս 20-ի գիշերը ադրբեջանա-ղարաբաղյան զինված դիմակայության գոտում օպերատիվ իրադրությունը մնացել է անփոփոխ, հաղորդում է ԼՂՀ ՊՆ մամուլի ծառայությունը։
ԵՐԵՎԱՆ, 20 ապրիլի./ԱՌԿԱ/. Ապրիլի 19-ի լույս 20-ի գիշերը ադրբեջանա-ղարաբաղյան զինված դիմակայության գոտում օպերատիվ իրադրությունը մնացել է անփոփոխ, հաղորդում է ԼՂՀ ՊՆ մամուլի ծառայությունը։
Առաջնային գծի ողջ երկայնքով հակառակորդը հիմնականում տարբեր տրամաչափի հրաձգային զինատեսակներից, խոշոր տրամաչափի դիպուկահար զենքերից և 60 միլիմետրանոց ականանետից (1 արկ) կրակի դադարեցման պայմանավորվածությունը խախտել է ավելի քան 50 անգամ:
«ՊԲ առաջապահ ստորաբաժանումները տիրապետում են օպերատիվ-մարտավարական իրադրությանը և շարունակում վստահորեն իրականացնել իրենց առջեւ դրված մարտական խնդիրը», – նշվում է հաղորդագրության մեջ։ –0–