Արցախում հրազենային վիրավորումից զինծառայող է մահացել
16.01.2017,
16:34
Զինծառայող է մահացել Արցախում հրազենային վիրավորումից, հայտնում է ԼՂՀ պաշտպանության նախարարության մամուլի ծառայությունը։
ՍՏԵՓԱՆԱԿԵՐՏ, 16 հունվարի. /ԱՌԿԱ/. Զինծառայող է մահացել Արցախում հրազենային վիրավորումից, հայտնում է ԼՂՀ պաշտպանության նախարարության մամուլի ծառայությունը։
«Հունվարի 16-ին՝ ժամը 12:35-ի սահմաններում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել պայմանագրային զինծառայող, Հադրութի շրջանի բնակիչ Արայիկ Իգորի Սարգսյանը (ծնված 1995թ.)»,– ասվում է հաղորդագրությունում։
Դեպքի մանրամասները պարզելու համար կատարվում է քննություն:
ԼՂՀ պաշտպանության նախարարությունը կիսում է կորստյան ծանր վիշտը և իր ցավակցությունը հայտնում մահացած զինծառայողի ընտանիքի անդամներին ու հարազատներին: -0-
