Երևան է ժամանել Բելառուսի ԶՈՒ հրթիռային զորքերի և հրետանու պետի գլխավորած պատվիրակությունը
28.11.2016,
19:02
Երկուշաբթի Հայաստան է ժամանել Բելառուսի Զինված ուժերի հրթիռային զորքերի և հրետանու պետ Գենադի Կազլովսկու գլխավորած պատվիրակությունը:
ԵՐԵՎԱՆ, 28 նոյեմբերի. /ԱՌԿԱ/. Երկուշաբթի երկօրյա այցով Հայաստան է ժամանել Բելառուսի Զինված ուժերի հրթիռային զորքերի և հրետանու պետ, գեներալ-մայոր Գենադի Կազլովսկու գլխավորած պատվիրակությունը, հաղորդում է ՀՀ ՊՆ մամուլի ծառայությունը:
«Երևանում Կազլովսկու գլխավորած պատվիրակությունը կմասնակցի զինված ուժերում զորքերի և մարտական միջոցների ավտոմատ կառավարման ու օպերատիվ պատրաստության կազմակերպման հարցերով աշխատանքային հանդիպմանը», - նշվում է հաղորդագրության մեջ:
Խորհրդակցություններն անցկացվում են Հայաստանի Հանրապետության և Բելառուսի Հանրապետության պաշտպանության նախարարների հաստատած երկկողմ համագործակցության 2016 թ. ծրագրի համաձայն: -0-
