ՀՀ կառավարությունն առաջարկում է վերաբաժանել ԱԻՆ–ը և Տարածքային կառավարման նախարարությունը
18.02.2016,
12:03
ՀՀ կառավարությունը նիստի ժամանակ հավանություն է տվել օրենքի նախագծին, որով նախատեսվում է վերաբաժանել Արտակարգ իրավիճակների և Տարածքային կառավարման նախարարությունները։
ԵՐԵՎԱՆ, 18 փետրվարի. /ԱՌԿԱ/. ՀՀ կառավարությունը հինգշաբթի նիստի ժամանակ հավանություն է տվել օրենքի նախագծին, որով նախատեսվում է վերաբաժանել Արտակարգ իրավիճակների և Տարածքային կառավարման նախարարությունները։
«Կառավարության կառուցվածքի մասին» օրենքում նախատեսված փոփոխությունների նախագիծը ներկայացրել է արդարադատության նախարար Արփինե Հովհաննիսյանը։
Փաստաթուղթը կքննարկվի ուրբաթ ԱԺ արտահերթ նիստի ժամանակ։
Երկու գերատեսչությունները միավորվել էին 2014 թ.–ի վերջին։ Այն գլխավորել է ԱԻ նախարար Արմեն Երիցյանը։
Փոփոխություններով առաջարկվում է վերականգնել ԱԻՆ–ն ու ստեղծել Տարածքային կառավարման և զարգացման նախարարություն։–0–
