ՀՀ նախագահ Սերժ Սարգսյանն աշխատանքային այցով մեկնել է Ղազախստան
ԵՐԵՎԱՆ, 9 հունիսի. /ԱՌԿԱ/. ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն, հաղորդում է ՀՀ նախագահի մամուլի ծառայությունը։
Նախագահը Ղազախստանում կմասնակցի մայրաքաղաք Աստանայում կայանալիք «Աստանա Էքսպո 2017» միջազգային մասնագիտացված ցուցահանդեսի բացման պաշտոնական արարողությանը, որին իրենց մասնակցությունն են հաստատել 115 պետություն և 18 միջազգային կազմակերպություն:
«Էներգիայի այլընտրանքային աղբյուրներին և «կանաչ» տեխնոլոգիաներին նվիրված ցուցահանդեսում, որը կրում է «Ապագայի էներգիա» խորագիրը, մասնակից երկրները կներկայացնեն էներգախնայողության համաշխարհային լավագույն տեխնոլոգիաները, էներգիայի այլընտրանքային աղբյուրների օգտագործման բնագավառում առկա նորագույն մշակումները», – նշվում է հաղորդագրության մեջ։
Հանրապետության նախագահը էքսպոյի շրջանակում կայցելի նաև հայկական տաղավար:–0–
