ՀՀ վարչապետը հայտնել է արտահերթ խորհրդարանական ընտրությունների հնարավոր ժամկետները
ԵՐԵՎԱՆ, 15 մայիսի. /ԱՌԿԱ/. ՀՀ վարչապետ Նիկոլ Փաշինյանը կարծում է, որ արտահերթ խորհրդարանական ընտրությունները կանցկացվեն այս տարի, հայտարարեց նա երեքշաբթի լրագրողների հետ զրույցում:
«Մենք դեռ պետք է քննարկենք այդ հարցը, սակայն կարծում եմ, որ այս տարի», - հայտարարեց Փաշինյանը:
Նա նշեց նաև, որ ինչպես նախարարական պորտֆելների դեպքում, այնպես էլ մարզպետների նշանակման հարցում նա կհամագործակցի «Բարգավաճ Հայաստան» կուսակցության ու «Դաշնակցության» հետ:
Փաշինյանը պատասխանեց նաև այն հարցին, թե կքվեարկի՞, արդյոք, Հանրապետական կուսակցությունը նրա կառավարության ծրագրի օգտին:
«Կարծում եմ, որ ծրագիրը կհաստատվի, և մենք կշարունակենք աշխատել բնականոն ռեժիմով: Կարծում եմ, որ ոչ մեկ չպետք է գայթակղության ենթարկվի ու ոչ ճիշտ գնահատի քաղաքական իրավիճակը», - ասաց Փաշինյանը:-0-
