ՀՀ վարչապետը վայելում է քաղաքացիների 60%–ի վստահությունը
ԵՐԵՎԱՆ, 23 օգոստոսի. /ԱՌԿԱ/. «Սոցիոմետր» սոցիոլոգիական հետազոտությունների կենտրոնի տնօրեն Ահարոն Ադիբեկյանը նշեց հայ քաղաքական գործիչների եռյակը, ովքեր ամենից շատն են վայելում քաղաքացիների վստահությունը։
Նրա խոսքով, ՀՀ վարչապետ Կարեն Կարապետյանը վայելում է երկրի քաղաքացիների 60%–ի վստահությունը։
Չորեքշաբթի ասուլիսի ժամանակ սոցիոլոգը ներկայացրեց 5,5 հազար մարդու շրջանում անցկացված հարցման տվյալները։
«Կարապետյանի նկատմամբ բնակչության վստահությունը հենվում է երեք կետերի վրա. նա օժտված է ազգային խնդիրներ լուծելու ունակությամբ, վստահ է, որ կարող է դա անել, և բնակչությունը համոզված է, որ Կարապետյանն արդար է», – տեղեկացրեց Ադիբեկյանը։
Նա նաև պարզաբանեց, որ նույն երեք կետերով «Ծառուկյան» դաշինքի առաջնորդ Գագիկ Ծառուկյանը վայելում է միայն 20%–ի վստահությունն ու զբաղեցնում երկրորդ տեղը։
«Երրորդ հորիզոնականում է գործող նախագահ Սերժ Սարգսյանը` 10%։ Մնացած քաղաքական գործիչների մոտ այս ցուցանիշը 1%–ի պակաս է», – հայտարարեց Ադիբեկյանը։
Միաժամանակ նա նշեց, որ ամբողջական պատկերի համար հարկավոր է սպասել 2018 թ.–ին։
Հայաստանում 2015 թ.–ին ընդունված սահմանադրական փոփոխություններից հետո երկիրն անցնում է խորհրդարանական իշխանավարման, սակայն գործող նախագահ Սերժ Սարգսյանը կպահպանի իր լիազորությունները մինչև ժամկետի ավարտը` 2018 թ.–ը, ինչից հետո նոր նախագահին կընտրի խորհրդարանը։–0–
