Հակառակորդը գիշերը հայ դիրքապահների ուղղությամբ կրակել է ՈՒՏՅՈՍ տիպի խոշոր տրամաչափի գնդացրից

ԵՐԵՎԱՆ, 27 օգոստոսի. /ԱՌԿԱ/. Օգոստոսի 26-ի լույս 27-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 30 անգամ, հաղորդում է ԼՂՀ ՊՆ մամուլի ծառայությունը:

«Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 300 կրակոց, այդ թվում` 30 կրակոց ՈՒՏՅՈՍ տիպի խոշոր տրամաչափի գնդացրից», - նշվում է հաղորդագրության մեջ:

Պաշտպանության նախարարությունից նշեցին, որ Պաշտպանության բանակի առաջապահ զորամասերը պահպանել են հրադադարի ռեժիմը և շարունակել վստահորեն իրականացնել մարտական հերթապահություն: -0-