Հայաստանը վերջին տարիների ընթացքում առաջին անգամ կմասնակցի Դավոսի Համաշխարհային տնտեսական ֆորումին
ԵՐԵՎԱՆ, 12 հունվարի. /ԱՌԿԱ/. Վարչապետ Կարեն Կարապետյանը կմասնակցի Դավոսում հունվարի 23-ից 26-ը կայանալիք Համաշխարհային տնտեսական ֆորումին, «Նովոստի Արմենիա» գործակալությանը այդ մասին հայտնել է ՀՀ վարչապետի մամուլի քարտուղար Արամ Արարատյանը:
Նրա խոսքով, վարչապետն ավելի վաղ արդեն հայտնել է նախատեսվող այցի մասին: Արդեն հաջորդ շաբաթ, նրանից հետո, երբ կհստակեցվեն այցելության օրերը, պաշտոնապես կհայտարարվի ուղևորության մասին:
Արարատյանը նշեց, որ Կարեն կարապետյանը ստացել է ֆորումին մասնակցելու հրավեր: Վերջին տարիներին Հայաստանը չէր մասնակցում Դավոսում անցկացվող տնտեսական համաժողովին։
Համաշխարահին տնտեսաքկան ֆորումը` Շվեյցարիայի Կոլոնի քաղաքում հիմնադրված ոչ պետական հիմնադրամ։ Առավել հայտնի է «Դավոսի ամենամյա ֆորում» անվանումով։ Ֆորումին հրավիրվում են բիզնեսի առաջատար ներկայացուցիչներ, քաղաքական առաջնորդներ, նշանավոր մտավորականներ և լրագրողներ։ Քննարկման հիմնական թեմանները համաշխարհային ամենահրատապ խնդիրներն են, այդ թվում առողջապահական և շրջակա միջավայրի: Ֆորումը հիմնադրել է ազգությամբ գերմանացի գործարար Կլաուս Շվաբը 1971 թվականին՝ Ժնևի համալսարանում: -0-
