Ժնևում ավարտվեցին Սարգսյան–Ալիև բանակցությունները
16.10.2017,
16:06
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
ԵՐԵՎԱՆ, 16 հոկտեմբերի. /ԱՌԿԱ/. Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
«Բանակցություններն ավարտվեցին, Ալիևը լքեց Ժնևի ՄԱԿ-ի գրասենյակում և այլ միջազգային կազմակերպություններում Շվեյցարիայի մշտական ներկայացուցչի կեցավայրը», – Twitter–յան միկրոբլոգում գրել է ՀՀ նախագահի մամուլի քարտուղար Վլադիմիր Հակոբյանը։
Այսօր ՄԱԿ-ի գրասենյակում և այլ միջազգային կազմակերպություններում Շվեյցարիայի մշտական ներկայացուցչի կեցավայրում կայացան Սերժ Սարգսյանի և Իլհամ Ալիևի բանակցությունները, որին հաջորդել էր նախագահների առանձնազրույցը։–0–
