Փաշինյանն ու Անջեյ Կասպրչիկը քննարկել են ԼՂ հակամարտության խաղաղ կարգավորման բանակցային գործընթացին առնչվող հարցեր
18.12.2018,
20:52
Նիկոլ Փաշինյանն ընդունել ԵԱՀԿ գործող նախագահի անձնական ներկայացուցիչ Անջեյ Կասպրչիկին:
ԵՐԵՎԱՆ, 18 դեկտեմբերի./ԱՌԿԱ/. Վարչապետի պաշտոնակատար Նիկոլ Փաշինյանն ընդունել ԵԱՀԿ գործող նախագահի անձնական ներկայացուցիչ Անջեյ Կասպրչիկին, հաղորդում է վարչապետի մամուլի ծառայությունը։
«Զրուցակիցները քննարկել են Լեռնային Ղարաբաղի հակամարտության խաղաղ կարգավորման բանակցային գործընթացին առնչվող հարցեր: Կողմերը կարևորել են փոխվստահության և խաղաղ գործընթացի համար անհրաժեշտ մթնոլորտի ձևավորմանն ուղղված քայլերի իրականացումը», – նշվում է հաղորդագրության մեջ։–0–
