Սերժ Սարգսյանը Օհանյանին կպահի նախարարի պաշտոնում միայն մեկ պայմանով
22.06.2016,
12:34
ՀՀ զինված ուժերի բարձրաստիճան գեներալների պաշտոնանկություններից և կոռուպցիոն բացահայտումներից հետո Սերժ Սարգսյանի ու ՀՀ պաշտպանության նախարար Սեյրան Օհանյանի միջև ուշագրավ զրույց է տեղի ունեցել։
ԵՐԵՎԱՆ, 22 հունիսի. /ԱՌԿԱ/. ՀՀ ՊՆ-ում շրջանառվող լուրերի համաձայն՝ ՀՀ զինված ուժերի բարձրաստիճան գեներալների պաշտոնանկություններից և կոռուպցիոն բացահայտումներից հետո Սերժ Սարգսյանի ու ՀՀ պաշտպանության նախարար Սեյրան Օհանյանի միջև ուշագրավ զրույց է տեղի ունեցել, գրում է «Ժողովուրդը»` հղում անելով ՊՆ–ի սեփական աղբյուրներին։
Թերթի հաղորդմամբ` Սերժ Սարգսյանը նախարար Օհանյանին մոտավորապես այսպիսի բովանդակությամբ է դիմել, որ այժմ պետք չի ՊՆ-ին պաշտոնանկ անել` հաշվի առնելով Ադրբեջանի գործոնը, բայց նախարարը պիտի «մաքրվի»: Այսինքն, Սեյրան Օհանյանը շարունակում է նախարար մնալ, որպեսզի նրա պաշտոնանկությունը թշնամու ձեռքին քարոզչական գործիք չդառնա:
Ինքը` Օհանյանը, ըստ շրջանառվող լուրերի, չի պատրաստվում հրաժարականի դիմում ներկայացնել։–0–
