Զուրաբյան. ընդդիմադիր ՀԱԿ–ը որևէ սպասելիք չունի Հայաստանում ձևավորվող նոր կառավարությունից
ԵՐԵՎԱՆ, 26 սեպտեմբերի. /ԱՌԿԱ/. Ընդդիմադիր ՀԱԿ–ը որևէ սպասելիք չունի Հայաստանում ձևավորվող նոր կառավարությունից, երկուշաբթի լրագրողներին հայտարարեց ՀԱԿ խմբակցության ղեկավար Լևոն Զուրաբյանը։
Նրա խոսքով` իշխող կուսակցությունը նախաձեռնել է փոփոխություններ կառավարությունում խորհրդարանական ընտրությունների նախաշեմին` ժողովրդի սերը նվաճելու նպատակով։
Հայաստանում խորհրդարանական ընտրությունները կանցկացվեն 2017 թ.–ի գարնանը։
«Ընտրությունների նախաշեմին նոր վարչապետի նշանակման նպատակն է տպավորություն ստեղծել, թե իբր իրականում տեղի են ունենում ինչ–որ փոփոխություններ», – ասաց Զուրաբյանը։
Նա նաև նշեց, որ իշխանությունները օգտագործել են տեղական ինքնակառավարման մարմինների ընտրություններում ՀԱԿ–ի կողմից կիրառվող «Ընտրի՛ր փոփոխությունները» նշանաբանը` փոխելով վարչապետին և կառավարությունը։
ՀՀ նախագահ Սերժ Սարգսյանը սեպտեմբերի 13–ին հրամանագիր է ստորագրել Կարեն Կարապետյանին վարչապետի պաշտոնում նշանակելու մասին հրաժարական տված Հովիկ Աբրահամյանի փոխարեն։
Սեպտեմբերի 26–ին ՀՀ ԱԺ–ն արտահերթ նիստի ժամանակ կքննարկի կառավարության կազմում նախատեսված կառուցվածքային փոփոխությունները։–0–
