Դատական համակարգին երբեք ոչ մի ցուցում չի տրվել. Փաշինյանը` Քոչարյանի գործի մասին
ԵՐԵՎԱՆ, 9 դեկտեմբերի. /ԱՌԿԱ/. Դատական համակարգին երբեք ոչ մի ցուցում չի տրվել, այդ թվում` նաև Քոչարյանի դատավարության գործով, կիրակի լրագրողների հետ զրույցում հայտարարեց ՀՀ վարչապետի պաշտոնակատար Նիկոլ Փաշինանը` նշելով, որ տարածված հեռախոսազրույցներում դա ապացուցող մասերը մոնտաժված են:
«Հայտարարում եմ պաշտոնապես, որ Հայաստանի դատական համակարգն երբեք ավելի անկախ չի եղել, քան այսօր», - ասաց Փաշինյանը:
Ինչ վերաբերում է համացանցում հայտնված իր ու ԱԱԾ տնօրեն Արթուր Վանեցյանի հեռախոսազրույցի գաղտնալսման ձայնագրությանը, ապա Փաշինայնը հայտարարեց, որ դա միայն ապացուցում է տեղի ունեցածի մասին իր անտեղյակությունը:
«Ազգային անվտանգության ծառայության տնօրենը զանգումա ինձ և ասում, որ կալանքի են տանում Խաչատուրովին, ես էլ հարցնում եմ` «ե ՞րբ»: Այսինքն, ես տեղյակ չեմ դրանից, առաջին անգամ եմ տեղեկանում», - ասաց նա` նշելով, որ հեռախոսային խոսակցությունը մնում է հեռախոսային խոսակցություն, և պարտադիր չէ, որ Ազգային անվտանգության տնօրենը, վարչապետը կամ Հատուկ քննչական ծառայության պետը նման դեպքերում հիմնվեն օրենքի վրա:-0-
