Հակառակորդն այս գիշեր հայ–ադրբեջանական սահմանագոտում կիրառել է ՌՊԳ-7 տիպի նռնականետ. ՀՀ ՊՆ
25.04.2016,
11:39
Ապրիլի 24-ի լույս 25-ի գիշերը հայ-ադրբեջանական պետական սահմանագոտու հյուսիսարևելյան հատվածում գրանցվել է հրադադարի խախտման 38 միջադեպ։
ԵՐԵՎԱՆ, 25 ապրիլի./ԱՌԿԱ/. Ապրիլի 24-ի լույս 25-ի գիշերը հայ-ադրբեջանական պետական սահմանագոտու հյուսիսարևելյան հատվածում գրանցվել է հրադադարի խախտման 38 միջադեպ, հաղորդում է ՀՀ ՊՆ մամուլի ծառայությունը։
Ադրբեջանական կողմը տարբեր տրամաչափի հրաձգային և դիպուկահար զինատեսակներից հիմնականում անկանոն բնույթի կրակահերթեր է արձակել հայ դիրքապահների ուղղությամբ: Բացի հրաձգային զինատեսակներից` կիրառվել է նաև ՌՊԳ-7 տիպի նռնականետ:
Հակառակորդը հերթական անգամ անարդյունավետ կիրառել է SPIKE տիպի հակատանկային հրթիռ. ԼՂՀ ՊՆ>>
«ՀՀ ԶՈւ առաջապահ ստորաբաժանումները, ցուցաբերելով զսպվածություն, պատասխան գործողությունների են դիմել միայն խիստ անհրաժեշտության դեպքում և վստահորեն վերահսկում են սահմանային իրավիճակը», – նշվում է հաղորդագրության մեջ։–0–
