Հակառակորդը գիշերը ղարաբաղա-ադրբեջանական հակամարտ զորքերի շփման գծում կիրառել է ԴՇԿ տիպի գնդացիրներ

ՍՏԵՓԱՆԱԿԵՐՏ, 22 հունիսի. /ԱՌԿԱ/. Հունիսի 21-ի լույս 22-ի գիշերը ղարաբաղա-ադրբեջանական հակամարտ զորքերի շփման գծում հարաբերական անդորրը պահպանվել է, բացառությամբ առաջնագծի արևելյան և հյուսիսային ուղղությունների:

ԼՂՀ ՊՆ մամուլի ծառայության հաղորդմամբ` նշված հատվածներում հակառակորդը հրադադարի պահպանման ռեժիմը հիմնականում խախտել է հրաձգային զինատեսակներից` կիրառելով նաև ԴՇԿ տիպի գնդացիրներ:

«ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում իրականացնել մարտական դիրքերի հուսալի պահպանություն», – նշվում է հաղորդագրության մեջ։ –0– 

Ծանոթացեք լուրերին առաջինն ու քննարկեք դրանք մեր Telegram-ում

11:47 22.06.2016