ՀԱՊԿ-ը որևէ վտանգ չի կարող ներկայացնել Հայաստանի ինքնիշխանության համար. Պեսկով
ԵՐԵՎԱՆ, 18 սեպտեմբերի./ԱՌԿԱ/. Կրեմլը կտրականապես համաձայն չէ Հայաստանի վարչապետ Նիկոլ Փաշինյանի հետ՝ ՀԱՊԿ-ի վերաբերյալ նրա գնահատականի հարցում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ТАСС-ը։
«Խոսքը վերաբերում է Հայաստանի ինքնիշխան իրավունքներին։ Հայաստանն ինքն է ընտրում զարգացման ռազմավարական, մարտավարական ուղիները, բայց միևնույն ժամանակ, իհարկե, մենք պետք է կտրականապես չհամաձայնենք պարոն Փաշինյանի հետ», - ասել է Կրեմլի ներկայացուցիչը
Նրա խոսքով՝ ՀԱՊԿ-ը որևէ վտանգ չի կարող ներկայացնել Հայաստանի ինքնիշխանության համար։
«ՀԱՊԿ-ը որևէ վտանգ չի ներկայացնում Հայաստանի ինքնիշխանության համար, հակառակը, այս կազմակերպությունը պաշտպանում է իր անդամ երկրների ինքնիշխանությունը»,- ընդգծել է Պեսկովը։
Ավելի վաղ, ՀՀ վարչապետ Նիկոլ Փաշինյանը հայտարարել էր, որ ՀԱՊԿ-ը սպառնալիքներ է ստեղծում Հայաստանի անվտանգության համար և Հայաստանի հետագա գոյության, ինքնիշխանության և պետականության համար։
Ծանոթացեք լուրերին առաջինն ու քննարկեք դրանք մեր Telegram-ում
13:36 18.09.2024
