Հայաստանն ու ՀԱՊԿ–ն կշարունակեն համագործակցությունը` կազմակերպության արդյունավետությունը բարձրացնելու նպատակով

ԵՐԵՎԱՆ, 11 նոյեմբերի. /ԱՌԿԱ/. Հայաստանն ու ՀԱՊԿ–ն կշարունակեն համագործակցությունը` կազմակերպության շրջանակում կատարվող աշխատանքների արդյունավետությունը բարձրացնելու նպատակով, ՀԱՊԿ գլխավոր քարտուղար Նիկոլայ Բորդյուժայի և ԱԱԽ քարտուղար Արթուր Բաղդասարյանի հանդիպման մանրամասներն է ներկայացնում ՀՀ ԱԱԽ մամուլի ծառայությունը։

Հանդիպման ընթացքում քննարկվել են ՀԱՊԿ շրջանակներում Հայաստանի Հանրապետության կողմից իրականացվող աշխատանքներին վերաբերող` նախկինում ձեռք բերված պայմանավորվածությունների կատարման ընթացքը, Երևանում ՀԱՊԿ ակադեմիայի գործունեության ծավալմանը վերաբերող անելիքները, ինչպես նաև սեպտեմբերի 23-ին Սոչիում կայացած ՀԱՊԿ Հավաքական անվտանգության խորհրդի նստաշրջանում ընդունված որոշումների իրագործման հետ կապված խնդիրները։ –0–