Մինչև ամսվա վերջ, հնարավոր է, կայանա Հայաստանի և Ադրբեջանի արտգործնախարարների հանդիպումը
08.01.2019,
15:06
Պաշտոնական Երևանը ստացել է ՀՀ արտաքին գործերի պաշտոնակատար Զոհրաբ Մնացականյանի և Ադրբեջանի արտգործնախարար Էլմար Մամեդյարովի հանդիպման առաջարկ:
ԵՐԵՎԱՆ, 8 հունվարի. /ԱՌԿԱ/. Պաշտոնական Երևանը ստացել է ՀՀ արտաքին գործերի պաշտոնակատար Զոհրաբ Մնացականյանի և Ադրբեջանի արտգործնախարար Էլմար Մամեդյարովի հանդիպման առաջարկ, «Նովոստի-Արմենիա» գործակալության հետ զույցում հայտնել է ՀՀ ԱԳՆ մամուլի քարտուղար Աննա Նագդալյանը:
Հայաստանի և Ադրբեջանի ԱԳՆ ղեկավարների նախորդ հանդիպումը կայացե է 2018 թ.-ի դեկտեմբերի սկզբին Միլանում: Հանդիպումը նվիրված էր խաղաղ կարգավորման շուրջ կողմերի դիրքորոշումների և մոտեցումների հետ մանրակրկիտ ծանոթությանը:
«ԵԱՀԿ Մինսկի խմբի համանախագահները առաջարկել են անցկացնել հունվարին ԱԳՆ ղեկավարների հանդիպումը: Հանդիպման մասին հայտարարությունը կարվի համաձայնեցված կարգով», - ասաց Աննա Նաղդալյանը:-0-
