ՀՀ ԱԳ նախարարը կայցելի Տաջիկստան և Ղրղըզստան

ԵՐԵՎԱՆ, 1 ապրիլի. /ԱՌԿԱ/. ՀՀ ԱԳ նախարար Էդվարդ Նալբանդյանը ապրիլի 2–ին աշխատանքային այցով կժամանի Տաջիկստան, որտեղ կմասնակցի ‪ՀԱՊԿ անդամ պետությունների ԱԳ Նախարարների խորհրդի նիստին, հաղորդում է ՀՀ ԱԳՆ մամուլի ծառայությունը։

Հաղորդագրության համաձայն` ապրիլի 3–4–ը Նալբանդյանը կայցելի Բիշքեկ, որտեղ կմասնակցի ‪‎ԱՊՀ անդամ պետությունների ԱԳ Նախարարների խորհրդի նիստին։

Ապրիլի 4-ին Ղրղըզստան պաշտոնական այցի շրջանակներում ԱԳ նախարար Էդվարդ Նալբանդյանը հանդիպումներ կունենա Ղրղըզստանի բարձրաստիճան ղեկավարության հետ: –0–