Արման Թաթոյանն ընտրվեց ՀՀ մարդու իրավունքների պաշտպան

ԵՐԵՎԱՆ, 23 փետրվարի. /ԱՌԿԱ/. Ազգային ժողովում ավարտված քվեարկության արդյունքում Մարդու իրավունքների պաշտպան ընտրվեց Արման Թաթոյանը, հայտնում է «Նովոստի-Արմենիա» գործակալությունը:

 Ըստ ժամանակավոր հաշվիչ հանձնաժողովի ներկայացրած արդյունքների՝ Արդարադատության փոխնախարար Արման Թաթոյանի օգտին կողմ է քվեարկել  96 պատգամավոր, դեմ՝ 7, անվավեր է ճանաչվել 4 քվեաթերթիկ: Փակ քվեարկությանը մասնակցել  է 107 պատգամավոր:
 
 Տեղի ունեցավ նաև Արման Թաթոյանի երդման արարողությունը:

Նախկին Օմբուդսմեն Կարեն Անդրեասյանը, ով Մարդու իրավունքների պաշտպանի պաշտոնում ընտրվել է 2011 թվականի մարտի 2–ին, հունվարի 12–ին հրաժարականի դիմում էր ներկայացրել։ Նրանից առաջ այդ պաշտոնը զբաղեցրել են Լարիսա Ալավերդյանը և Արմեն Հարությունյանը։-0-