Ռոբերտ Քոչարյանը կներկայանա հարցաքննությանը հուլիսի 26–ին (ՄԱՆՐԱՄԱՍՆԵՐ)
ԵՐԵՎԱՆ, 19 հուլիսի. /ԱՌԿԱ/. Հայաստանի երկրորդ նախագահ Ռոբերտ Քոչարյանը պետք է Հատուկ քննչական ծառայություն հարցաքննության ներկայանա հուլիսի 26–ին։ Այդ մասին հինգշաբթի հայտնեց Հատուկ քննչական ծառայության ղեկավար Սասուն Խաչատրյանը։
Քոչարյանը կանչվել է Հատուկ քննչական ծառայություն հարցաքննության որպես վկա մարտի 1–ի գործով։ Որպես վկա նույն գործի շրջանակում կանչվել է նաև ՀԱՊԿ գլխավոր քարտուղար Յուրի Խաչատուրովը, ով այն ժամանակ զբաղեցրել է Երևանի կայազորի հրամատարի պաշտոնը։ Որպես մեղադրյալ ներգրավվել է նաև Հայաստանի նախկին պաշտպանության նախարար Միքայել Հարությունյանը, ով հիմա Հայաստանում չէ։
«Նախատեսվում է, որ Քոչարյանը կներկայանա հարցաքննության հուլիսի 26–ին։ Ինչ վերաբերում է հարցաքննության տեսանկարահանմանը, ապա մենք դեռ կքննարկենք այդ հարցը։ Տեսանյութի` անգամ մասնակի հրապարակման հարցը պետք է որոշի այս քրեական գործով վարույթ իրականացնող մարմինը», – հայտարարեց Խաչատրյանը։
Նա նշեց, որ ծառայությունը սահմանափակված չէ որևէ մեկին հարցաքննության կանչելու հարցում։ Գործով որպես վկա կարող է կանչվել յուրաքանչուր քաղաքացի, ով ունի գործի համար կարևոր տեղեկություն։
Խաչատրյանը չհայտնեց, սակայն, կանչվել են արդյոք նույն գործով վարչապետ Նիկոլ Փաշինյանն ու առաջին նախագահ Լևոն Տեր–Պետրոսյանը։
