Ընտրախախտումների վերաբերյալ 73 քրգործ է հարուցվել, 24-ը ուղարկվել է դատարան, 9 անձ դատապարտվել է

ԵՐԵՎԱՆ, 18 փետրվարի. /ԱՌԿԱ/. Փետրվարի 18-ի դրությամբ, անցած տարվա դեկտեմբերի 6-ի սահմանադրական փոփոխությունների հանրաքվեի ընթացքում Հայաստանի քաղաքացիների ընտրական իրավունքի իրացմանը խոչընդոտելու վերաբերյալ հարուցվել է 73 քրեական գործ, հայտնում է «Նովոստի-Արմենիան»:

Գլխավոր դատախազության հաղորդագրության համաձայն՝ 24 քրեական գործ 27 անձանց վերաբերյալ մեղադրական եզրակացությամբ ուղարկվել է դատարան, 33 քրեական գործերով 37 անձինք ներգրավվել են որպես մեղադրյալ, 9 քրեական գործով 9 անձի վերաբերյալ կայացվել է մեղադրական դատավճիռ:

Դեկտեմբերի 6–ին  Հայաստանի 1997 ընտրատեղամասերում անցկացվել է սահմանադրական բարեփոխումների համահանրապետական հանրաքվեն։ -0-