Որևէ բան ինձ չի կարող իմ պարտականություններից հետ պահել մինչև չիմանամ, թե ով է ստանձնել այդ նույն պարտականությունները. Վիգեն Սարգսյան
09.05.2018,
13:43
Վիգեն Սարգսյանը հայտարարեց, որ անթույլատրելի է համարում պաշտպանության նախարարի հրաժարական մինչև նշանակված չի նոր նախարար։
ԵՐԵՎԱՆ, 9 մայիսի. /ԱՌԿԱ/. ՀՀ պաշտպանության նախարարի պաշտոնակատար Վիգեն Սարգսյանը չորեքշաբթի ասուլիսի ժամանակ հայտարարեց, որ անթույլատրելի է համարում պաշտպանության նախարարի հրաժարական մինչև նշանակված չի նոր նախարար։
Նախօրեին Վիգեն Սարգսյանը հրաժարական է տվել։
«Հայաստանի Հանրապետության պայմաններում և մեր մարտահրավերների պայմաններում որևէ բան ինձ չի կարող իմ պարտականություններից հետ պահել մինչև չիմանամ, թե ով է ստանձնել այդ նույն պարտականությունները», – ասաց Սարգսյանը։
Վիգեն Սարգսյանը պաշտպանության նախարարի պաշտոնում նշանակվել է 2016 թ.–ի հոկտեմբերին։–0–
