Երևանը փոփոխություններ չի անկնալում Սարգսյան–Ալիև հնարավոր հանդիպման արդյունքում
26.11.2015,
15:09
Երևանը փոփոխություններ չի ակնկալում ղարաբաղյան հակամարտության կարգավորման բանակցությունների հարցում Սարգսյան–Ալիև հնարավոր հանդիպման արդյունքում, հինգշաբթի լրագրողներին ասաց ՀՀ փոխարտգործնախարար Շավարշ Քոչարյանը։
ԵՐԵՎԱՆ, 26 նոյեմբերի. /ԱՌԿԱ/. Երևանը փոփոխություններ չի ակնկալում ղարաբաղյան հակամարտության կարգավորման բանակցությունների հարցում Սարգսյան–Ալիև հնարավոր հանդիպման արդյունքում, «Նովոստի-Արմենիա» գործակալության փոխանցմամբ, հինգշաբթի լրագրողներին ասել է ՀՀ փոխարտգործնախարար Շավարշ Քոչարյանը։
Ավելի վաղ ԶԼՄ–ները հաղորդել են, որ Հայաստանի և Ադրբեջանի նախագահները կհանդիպեն դեկտեմբերի 1–ին Փարիզում։
«Դժվար է որևէ բան ակնկալել Հայաստանի և Ադրբեջանի նախագահների հնարավոր հանդիպումից, եթե պաշտոնական Բաքուն շարունակի խոսել ուժի դիրքերից։ Սակայն որևէ բան մեկնաբանել հնարավոր կլինի միայն այն դեպքում, եթե հաստատվի հանդիպման մասին տեղեկությունը», – ասաց Քոչարյանը։
Նա ավելացրեց, որ որոշակի տեղաշարժեր հնարավոր են, եթե Բաքուն հրաժարվի մաքսիմալիստական դիրքորոշումներից և իր համար ընդունելի որոշմանը հասնելու ուժային փորձերից։
«Քանի դեռ Ադրբեջանը նման ձգտում չունի, չեն լինի նաև հատուկ ակնկալիքներ», – ասաց Քոչարյանը։
Չնայած, ինչպես նշեց փոխնախարարը, դա չի նշանակում, որ նման ձևաչափով հանդիպումներ հարկավոր չեն։
Քոչարյանը նաև չբացառեց Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի միջև բանակցությունների հավանականությունը։
«Քանի որ նախարարները կհանդիպեն բազմակողմ ձևաչափով, ապա նման հավանականությունը բացառված չէ», – ասաց Քոչարյանը։
Նոյեմբերի վերջին Թբիլիսիում տեղի կունենա «Արևելյան գործընկերության» երկրների արտգործնախարարների ոչ ֆորմալ հանդիպումը։ Արևելյան գործընկերության անդամ են նաև Հայաստանն ու Ադրբեջանը։
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Հանրաքվեին հաջորդեցին Ադրբեջանի ձեռնարկած ռազմական լայնածավալ գործողությունները, որոնց հետևանքով Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն, ընդհանուր առմամբ, շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը: Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է:
1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան:-0-
Ավելի վաղ ԶԼՄ–ները հաղորդել են, որ Հայաստանի և Ադրբեջանի նախագահները կհանդիպեն դեկտեմբերի 1–ին Փարիզում։
«Դժվար է որևէ բան ակնկալել Հայաստանի և Ադրբեջանի նախագահների հնարավոր հանդիպումից, եթե պաշտոնական Բաքուն շարունակի խոսել ուժի դիրքերից։ Սակայն որևէ բան մեկնաբանել հնարավոր կլինի միայն այն դեպքում, եթե հաստատվի հանդիպման մասին տեղեկությունը», – ասաց Քոչարյանը։
Նա ավելացրեց, որ որոշակի տեղաշարժեր հնարավոր են, եթե Բաքուն հրաժարվի մաքսիմալիստական դիրքորոշումներից և իր համար ընդունելի որոշմանը հասնելու ուժային փորձերից։
«Քանի դեռ Ադրբեջանը նման ձգտում չունի, չեն լինի նաև հատուկ ակնկալիքներ», – ասաց Քոչարյանը։
Չնայած, ինչպես նշեց փոխնախարարը, դա չի նշանակում, որ նման ձևաչափով հանդիպումներ հարկավոր չեն։
Քոչարյանը նաև չբացառեց Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի միջև բանակցությունների հավանականությունը։
«Քանի որ նախարարները կհանդիպեն բազմակողմ ձևաչափով, ապա նման հավանականությունը բացառված չէ», – ասաց Քոչարյանը։
Նոյեմբերի վերջին Թբիլիսիում տեղի կունենա «Արևելյան գործընկերության» երկրների արտգործնախարարների ոչ ֆորմալ հանդիպումը։ Արևելյան գործընկերության անդամ են նաև Հայաստանն ու Ադրբեջանը։
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Հանրաքվեին հաջորդեցին Ադրբեջանի ձեռնարկած ռազմական լայնածավալ գործողությունները, որոնց հետևանքով Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն, ընդհանուր առմամբ, շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը: Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է:
1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան:-0-
