Ադրբեջանը խախտել է հրադադարի ռեժիմը շփման գծում
27.12.2016,
10:56
Դեկտեմբերի 26-ի լույս 27-ի գիշերը ղարաբաղա-ադրբեջանական հակամարտ զորքերի շփման գծի գրեթե բոլոր ուղղություններով հակառակորդը խախտել է հրադադարի ռեժիմը, հայտնում է ԼՂՀ պաշտպանության նախարարության մամուլի ծառայությունը։
ԵՐԵՎԱՆ, 27 դեկտեմբերի. /ԱՌԿԱ/. Դեկտեմբերի 26-ի լույս 27-ի գիշերը ղարաբաղա-ադրբեջանական հակամարտ զորքերի շփման գծի գրեթե բոլոր ուղղություններով հակառակորդը խախտել է հրադադարի ռեժիմը, հայտնում է ԼՂՀ պաշտպանության նախարարության մամուլի ծառայությունը։
Ադրբեջանական կողմը կիրառել է տարբեր տրամաչափի հրաձգային զինատեսակներ` հրադադարի պահպանման ռեժիմը խախտելով շուրջ 70 անգամ և արձակելով մոտ 850 կրակոց:
Ըստ հաղորդագրության, շփման գծի հարավային (Հադրութ) ուղղությամբ ադրբեջանական զինուժը կիրառել է նաև 60 մմ-ոց ականանետ (1 արկ):
«ՊԲ առաջապահ ստորաբաժանումները հակառակորդի սադրիչ գործողություններին պատասխանել են խիստ անհրաժեշտության դեպքում և վստահորեն իրականացնել իրենց առջև դրված մարտական խնդիրը»,– ասվում է հաղորդագրությունում։ -0-
