ԵՄ Արևելյան գործընկերության գագաթնաժողովն է մեկնարկել Բրյուսելում
ԵՐԵՎԱՆ, 24 նոյեմբերի. /ԱՌԿԱ/. Բրյուսելում մեկնարկել է ԵՄ Արևելյան գործընկերության գագաթնաժողովը:
Ինչպես հայտնում է ՀՀ նախագահի մամուլի ծառայությունը, մասնակիցներին նիստի մեկնարկից առաջ ողջունել են ԵԽ նախագահ Դոնալդ Տուսկը, Եվրոպական հանձնաժողովի նախագահ Ժան-Կլոդ Յունկերը և ԵՄ խորհրդի նախագահող երկրի` Էստոնիայի վարչապետ Յուրի Ռատասը:
Գագաթնաժողովին մասնակցում է նաև Հայաստանի նախագահ Սերժ Սարգսյանը:
Արևելյան գործընկերության գագաթնաժողովի ընթացքում Հայաստանի Հանրապետությունը և Եվրոպական Միությունը պատրաստվում են ստորագրել Համապարփակ և ընդլայնված գործընկերության համաձայնագիրը, որը կողմերը նախաստորագրել են 2017 թ.–ի մարտի 21–ին։
Ավելի վաղ Հայաստանը Եվրամիության հետ ասոցիացման և ազատ առևտրի գոտու մասին համաձայնագիրը նախատեսում էր ստորագրել 2013 թվականին Արևելյան գործընկերության վիլնյուսյան գագաթնաժողովի ընթացքում։ Սակայն դրանից երկու ամիս առաջ Հայաստանը հայտարարեց Մաքսային միություն մտնելու և եվրասիական ինտեգրմանը մասնակցելու մասին։ –0–
