Ռուսաստանի նախարարների կաբինետը հավանության է արժանացրել ՌԴ և Հայաստանի քաղաքացիներին պարտադիր գրանցումից ազատող համաձայնագիրը
18.11.2014,
11:21
ՌԴ նախարարների կաբինետը հավանություն է տվել Ռուսաստանի և Հայաստանի կառավարությունների միջև` մի երկրի քաղաքացիների` մյուս երկրում գտնվելու կարգի վերաբերյալ համաձայնագրի վավերացման մասին օրինագծին, որը ներկայացրել են Ռուսաստանի ԱԳՆ-ն և ԴՄԾ-ն, հաղորդվում է ՌԴ կառավարության կայքում։
ԵՐԵՎԱՆ, 18 նոյեմբերի. /ԱՌԿԱ/. ՌԴ նախարարների կաբինետը հավանություն է տվել Ռուսաստանի և Հայաստանի կառավարությունների միջև` մի երկրի քաղաքացիների` մյուս երկրում գտնվելու կարգի վերաբերյալ համաձայնագրի վավերացման մասին օրինագծին, որը ներկայացրել են Ռուսաստանի ԱԳՆ-ն և ԴՄԾ-ն, հաղորդվում է ՌԴ կառավարության կայքում։
«Համաձայնագրով նախատեսվում է Հայաստանի տարածքում ժամանակավորապես գտնվող Ռուսաստանի քաղաքացիներին, ինչպես նաև Ռուսաստանի տարածքում ժամանակավորապես գտնվող Հայաստանի քաղաքացիներին ազատել մուտքի երկրի պետական իրավասում մարմիններում 30 օրվա ընթացքում գրանցվելու (ըստ գտնվելու վայրի` հաշվառման կանգնելու) պարտականությունից»,- ասված է հաղորդագրությունում, հաղորդում է «ՌԻԱ Նովոստին»։
ՌԴ և Հայաստանի միջև համաձայնագիրը ստորագրվել է 2014թ. հուլիսի 11-ին Սոչիում։--0—
