Հակառակորդը կրկին խախտել է հրադադարի պահպանման ռեժիմը
12.05.2017,
11:53
Մայիսի 11-ին և լույս 12-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից խախտել է հրադադարի պահպանման ռեժիմը, հայտնում է Արցախի պաշտպանության նախարարության մամուլի ծառայությունը։
ԵՐԵՎԱՆ, 12 մայիսի. /ԱՌԿԱ/. Մայիսի 11-ին և լույս 12-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից խախտել է հրադադարի պահպանման ռեժիմը, հայտնում է Արցախի պաշտպանության նախարարության մամուլի ծառայությունը։
Ադրբեջանական զինուժը հայ դիրքապահների ուղղությամբ արձակել է ավելի քան 1750 կրակոց:
«Բացի հրաձգային զինատեսակներից, ադրբեջանական զինուժը շփման գծի հարավային և հյուսիսային հատվածներում կիրառել է նաև 60 և 82 միլիմետրանոց ականանետեր (22 արկ) և հաստոցավոր հակատանկային ու ավտոմատ նռնականետեր (12 արկ)»,– ասվում է հաղորդագրության մեջ։
ՊԲ առաջապահ զորամասերը դիմել են պատասխան գործողությունների և շարունակել իրականացնել մարտական դիրքերի հուսալի պահպանություն: -0-
