Рейтинг@Mail.ru
USD
396.51
EUR
414.95
RUB
4.3582
GEL
140.05
2025 թ. փետրվարի 14, ուրբաթ
եղանակը
Երևանում
-2

Հայաստանը 2013թ.–ին կնախագահի ԵԽ նախարարների կոմիտեում

22.01.2013, 13:49
Հայաստանը նախագահելու է ԵԽ-ի նախարարների կոմիտեում 2013 թվականին, ինչը հնարավորություն կտա զարգացնել Երևանի և Ստրասբուրգի համագործակցությունը,  Հայաստանի վարչապետ Տիգրան Սարգսյանի հետ նախօրեին կայացած հանդիպման ընթացքում հայտարարեց Հայաստանում Եվրոպայի խորհրդի գրասենյակի նորանշանակ ղեկավար Օլեքսանդր Պավլյուկը։
Հայաստանը 2013թ.–ին կնախագահի ԵԽ նախարարների կոմիտեում
ԵՐԵՎԱՆ, 22 հունվարի. /ԱՌԿԱ/.  Հայաստանը նախագահելու է ԵԽ-ի նախարարների կոմիտեում 2013 թվականին, ինչը հնարավորություն կտա զարգացնել Երևանի և Ստրասբուրգի համագործակցությունը,  Հայաստանի վարչապետ Տիգրան Սարգսյանի հետ նախօրեին կայացած հանդիպման ընթացքում հայտարարեց Հայաստանում Եվրոպայի խորհրդի գրասենյակի նորանշանակ ղեկավար Օլեքսանդր Պավլյուկը։

Ինչպես հայտնում է կառավարության մամուլի ծառայությունը, գրասենյակի ղեկավարը պատրաստակամություն է հայտնել իր առաքելության շրջանակում աջակցել ՀՀ իշխանություններին ԵԽ-ում նախագահության և Հայաստան-Եվրոպայի խորհուրդ 2012-2014 թթ. գործողությունների ծրագրի իրականացման առումով:

Հայաստանի վարչապետն իր հերթին շնորհավորել է Պավլյուկին պաշտոնը ստանձնելու կապակցությամբ և մաղթել բեղմնավոր գործունեություն:

«Մենք կանենք հնարավոր ամեն ինչ, որպեսզի Դուք Հայաստանում Ձեզ լավ զգաք և Ձեր առաքելությունն իրականացնեք առանց որևիցե խոչընդոտի: Մենք շահագրգռված ենք դրանում, քանի որ Ձեր մանդատի շրջանակում իրականացվելիք ծրագրերը համապատասխանում են ՀՀ կառավարության ծրագրային փաստաթղթերին», - նշել է վարչապետը:

Զրուցակիցները մտքեր են փոխանակել համագործակցության գերակա ուղղությունների և հեռանկարների վերաբերյալ:

Հայաստանը Եվրոպայի Խորհրդի լիիրավ անդամ է 2001 թվականի հունվարի 25–ից։ Ներկայում Հայաստանը համագործակցում է ԵԽ–ի հետ Արևելյան գործընկերության շրջանակներում և բանակցություններ է վարում Հայաստան–ԵՄ ասոցացման համաձայնագրի ուղղությամբ։ Առաջիկա համաձայնագիրը կփոխարինի Գործընկերության և համագործակցության մասին գործող համաձայնագիրը և ուղղված կլինի Հայաստանի և Եվրամիության միջև հարաբերությունների խորացմանը տարբեր ոլորտներում, մասնավորապես, արտաքին քաղաքականության, ժողովրդավարության, տնտեսական ինտեգրման, մարդկանց տեղափոխման և էներգետիկայի ոլորտներում։ -0-